Marijuana e përpunuar nga substancat kimikale, ka efekte më të rrezikshme se marijuana natyrale. Substanca sintetike, e cila nganjëherë njihet me emrin K2 ka shfaqur një lidhshmëri me disa efekte shumë serioze siç janë psikozat dhe çrregullime tjera psiqike.
Deri tani hulumtuesit e kanë pasur të vështirë të përcaktojnë efektet negative që marijuana e sintetizuar ka, mirëpo me studimin e fundit në të cilën morën pjesë 17 vullnetarë, të cilët nuk kishin probleme shëndetësore janë parë efektit e saj, shkruan Livescience.
Hulumtimi u realizua në Irlandë, dhe u publikua në revistën ‘Cannabinois Research’. Pjesëmarrësve herën e parë iu dha një sasi e kanabisit të sintetizuar që quhej JËH-018 e cila ishte e përzier me një lloj droge tjetër. Herën e dytë, përkatësisht pas 7 ditëve pjesëmarrësve iu dha vetëm një lloj droge që nuk përmbante kanabis. Ata nuk ishin të aftë ta dallonin se çfarë lloji të drogës kishin marrë.
Hulumtuesit i kishin monitoruar 12 orë pas marrjes së këtyre drogave, dhe i kishin testuar me teste psikologjike. Rezultatet treguan se kanabisi i sintetizuar kishte shpeshtuar të rrahurat e zemrës që në minutat e parë që ata e kishin marrë, si dhe kishte dëmtuar kujtesën. Mirëpo kjo nuk i kishte ndodhur të gjithë vullnetarëve ne këtë studim, dhe hulumtuesit e shpjeguan këtë fakt se ata kishin pranuar sasi të ndryshme të kanabisit.
Në përgjithësi pjesëmarrësit, të cilët kishin raportuar që kanë marrë sasi më të lartë te kanabisit treguan performancë më të dobët të trurit, vëmendje më të ulët, amnezi dhe çrregullime të tjera.
Ky ishte eksperimenti i parë i bërë me kanabisin sintetik në një hulumtim me njerëz, dhe studiuesit shpresojnë që ky është një hap i mirë për vazhdimin e studimeve të tjera mbi efektet e kanabisit.
