Pas vendimit të gjykatës dhe urdhrin e Prokurorisë, policia e Tiranës ka shoqëruar në ambientet e Drejtorisë së Policisë Tiranë kryebashkiakun Elvis Rroshi.
Ai do të merret në pyetje për akuzat që rëndojnë mbi të, falsifikimi i dokumenteve. Arrestimi i kryebashkiakut të Kavajës u bë këtë të hënë pas një hetimi nga Prokuroria, nën akuzën e falsifikimit të dokumenteve, për formularin e vetëdeklarimit të Dekriminalizimit.
Prokuroria kishte nisur ndaj kryebashkiakut të Kavajës hetimet kryesisht që më 1 Qershor.
Rroshi dyshohej se ka kryer veprën penale të falsifikimit të dokumenteve në procesin e plotësimit të formularit të vetëdeklarimit për Dekriminalizimin.
ÇFARË DEKLAROI RROSHI NË FORMULARIN E DEKRIMINALIZIMIT
Kryebashkiaku i Kavajes Elvis Rroshi ka deklaruar emrin qe ka perdorur me pare, Ervin, ndryshuar me vendim të Këshillit Bashkiak Kavajë ne vitin 2002.
Ai gjithashtu ka deklaruar se ka qenë i dënuar me gjobë për krim dhe kundravajtje penale, i ndaluar nga policia në vitin 2013 për goditje për
shkak të detyrës dhe në hetim gjithashtu.
