Kreu i Partisë Demokristiane, Nard Ndoka, deklaroi në ‘360 gradë’ se Edi Rama e ka humbur tashmë Partinë socialiste.
Sipas tij provat se Rama nuk e ka më partinë, u dukën qartë gjatë sjelljes së tij në kongresin e partisë.
“Ishte vërtet provokator kryeministri, para Kongresit të tij. Arrogant në ekstrem, prepotent. E ka nga halli për hir të realitetit. Gjykoj që është në ditën e tij më të keqe edhe si kryeministër edhe si kryetar i Partisë Socialiste. Zoti Rama e dorëzoi stafetën. E mbylli bashkë me agoninë e tij si kryeministër. Ishte më tepër një Kongres dorëzim stafete. Kishte probleme me pjesën e tij të brendshme edhe toni i tij edhe urrejtja e tij ndaj kundërshtarëve politikë ishte një këmbanë frike për pjesën e partisë së tij.”, tha Ndoka.
