Ish-deputeti i Partisë Demokratike Aldo Bumçi, i ftuar në studion e lajmeve në RTV Ora ka folur lidhur me hetimet e Prokurorisë për lobimin në Amerikë dhe marrjen në pyetje të kreut të PD-së, Lulzim Basha.
Bumçi i ka kërkuar Prokurorisë të bëjë publike letërporositë që kanë ardhur nga Britania e Madhe dhe Amerika, ndërsa ka theksuar se Ramën nuk e shpëton asgjë.
Bumçi: Prokuroria ka dalë me një deklaratë për shumën kur nuk ka një hetim të mbyllur. Ne kërkojmë që prokuroria të bëjë publike përgjigjet nga Britania e Madhe dhe Amerika. Rama është në hall të madh dhe mendon se do shpëtojë duke përdorur Prokurorinë. Ne kërkojmë që Prokuroria t’i bëjë publike letërporositë.
Pse u thirr Basha atë ditë në Prokurori. Ishte ditë e enjte kur zoti Basha u thirr në Prokurori. Ditën që ne mbajmë protestën para Kuvendit, sepse nuk kishte ditë java. Pikërisht ditën që ne protestojmë kur u më shumë se një muaj që ne protestojmë. Nuk ka gjë që e shpëton Ramën as Prokuroria e kapur me 69 vota e votuar në shkelje me Kushtetutën, as KLP e kapur dhe as mungesa e Gjykatës Kushtetuese. Nuk ka gjë që do ta shpëtojë Ramën./OraNews
