Manchester United e ka seriozisht për Marco Verratti-n. Mesfushori i PSG është objektivi i parë i Mourinho dhe për të bindur klubin francez duket se është bërë gati një ofertë prej 100 milionë eurosh. Ndërkohë, sipas “Sun”, trajneri portugez mund të kërkojë ndihmën e Zlatan Ibrahimovic gjatë negociatave, me francezin që pritet të veshë fanellën e United sezonin e ardhshëm.
“Special One” nuk ka dyshime në lidhje me talentin e italianit dhe për të marrë në Premier i ka kërkuar drejtuesve të tij të bëjnë një investim të çmendur për futbollistin. PSG, deri më sot, e ka konsideruar të paprekshëm Verratti-n, por para një oferte prej 100 milionë eurosh kjo situatë mund të ndryshojë. Në fakt, në vitin e fundit lojtari ka pasur probleme fizike që e kanë detyruar të mungojë në Europian dhe në Paris ndoshta mund të mendojnë se do të ishte më mirë ta shisnin futbollistin para një oferte të tillë.
Negociatat sapo kanë filluar dhe nuk do të jenë të lehta, por sipas “Sun”, United mund të përdorë kartën Ibrahimovic. Pas viteve të kaluara bashkë te PSG, suedezi ka krijuar një marrëdhënie shumë të mirë me Marco-n dhe mund të ndërhyjë për ta bindur atë të largohet nga Ligue 1 dhe për ta ndjekur në Manchester. Mourinho dhe drejtuesit e klubit anglez kanë shumë besim te ndikimi i suedezit për të realizuar një goditje në merkato që do të kënaqte të gjithë.
