Nga Boldnews.al
Për ditën e djeshme u punua gati dy javë. Me dekor, ftesa, broshura, reklama, presion të punësuarve, shantazh të vobektëve që tundin flamuj, apo joshje me premtime të cilat kishin një qëllim të vetëm: të merrte kënaqësi shefi i madh dhe shefi i vogël, të cilët dëshironin një piar dhe imazh të fortë.
Kryeministri Edi Rama në një fjalim të gjatë të mbushuar si gjithnjë nga përroi i rrëmbyeshëm psikik, mbajti në këmbë anëtarët e Kongresit të Partisë Socialiste që edhe trokitjet e duarve i kishin të huazuara nga e shkuara komuniste.
Rama nxorri si manikinë disa nga ministrat e tij në fjalime të mbushura me patetizëm, lëvdata për shefin e madh Rama dhe elozhe për të voglin Lali Eri. Qe menduar se ministrat dhe sektorët më të suksesshëm të mbanin fjalime, por ministri i Brendshëm Sandër Lleshaj nuk ishte në lozhën e atyre që bëjnë elozhe shefit.
Jo se statuja e tij nuk e lejon, por ministri nuk vlente për imazh, është tashmë një nga njerëzit që po anatemohet në një kohë të shkurtër që nga marrja e detyrës. Nga e shtuna në të shtunë, (një javë), pesë persona u vranë në atentate mafioze, duke përfshirë personazhe të njohur, avokatë dhe ish-të dënuar politik.
Vetëm në një rast u zbulua atentatori, kjo aspak për meritë të strukturave të rendit, por dëshimtar i një krimi makabër që i vritet babi në sy u bë një 14-vjeçar i cili njohu vrasësin e të atit.
Krimi po godet, por kjo nuk do të thotë se policia nuk “angazhohet”, përkundrazi, ajo është në krye të detyrës, e mbi të gjitha e instruktuar si të shpërndajë turmat e njerëzve, si të hedhi gazin losjellës mbi protestuesit e opozitës, e më pas në çfarë forme të.
I bombarduar nga reagimet masive të njerëzve kundrejt struktuarev të rendit që u sollën agrsivë në shpërndarjen e protestave e sidomos në dhunën dhe terrorin që mbollën në shoqërimin e të dyshuarve ishin shkatërrimi i një imazhi të përciptë që po propagandon Rilindja.
Çuditërisht në podium u ngritën ministra të sapoemëruar, që më shumë se për dikasterin që drejtojnë folën për Edi Ramën dhe “arritjet” e këtij lideri. Nuk kishte si të mungonte as Elisa, ajo për shefin e madh është si “pjeshkA mbi tortë”, që ndonëse u mundua të fshihte “ndjenjat: qe gati në përlotje sa herë përmendte Ramën.
Histerizmi vijoi edhe me 28-vjeçarin Genti Zakaj, zëvendësministrin e Jashtëm (që bredh gjithnjë me autorizimin e Ramës me vete). Çfarë nuk ndodhi, në monitorin e madh jepeshin e komentoheshin në mënyrë viruale arritjet e qeverisë. Rama, Rama, Rama, duartrokitje, ngazëllim dhe përulje deri në përkulje ndaj Ramës e përulje ndaj Veliajt!
