Kristin Panuçi nuk do të jetë më trajner i kombëtares. Ditën e sotme FSHF i ka dhënë “duart” trajneri italian dhe në takimin nadj Andorrës ditën e hënë, do të jenë në krye Ervin Bulku dhe Sulejman Mema.
Ish-futbollisti i Romës dhe Real Madridit do të vinte në krye të kombëtares sonë në 17 korrik 2017. Gjatë kësaj kohe deri më sot do të regjistronte 15 takime në krye të stolit kuqezi. Bileancet nuk duket të jenë pozitive.
Në 15 sfida, Panuçi ka arritur të marrë 4 fitore, 2 barazime dhe plot 9 humbje. Edhe golavarazhi nuk “flet” në favor të tij, 9 gola të shënuar dhe 25 të pësuar gjatë kohës që ai ka marrë “timonin” e kombëtares. Vendin e tij pritet ta marrë shumë shpejt një teknik tjetër dhe kandidati më i munshëm është Edi Reja, ish-trajneri i Napolit, Lacios e Atalantës. Mbrëmjen e djeshme ky i fundit ishte i pranishëm në Shkodër. Megjitahtë, në ditët në vijim nuk përjashtohen as emra të tjerë. /Panorama/
