Deputetja Rudina Hajdari ka shpërndarë në rrjetet sociale fjalimin e mbajtur në seancën e djeshme plenare. Ajo çfarë bie tepër në sy në statusin e saj janë komentet nga ana e qytetarëve të cilët e kritikojnë ashpër lidhur më vendimin për të mos e djegur mandatin, duke dalë kundër vendimit të opozitës së bashkuar.
Një pjesë e madhe e qytetarëve e konsiderojnë vendimin e saj si kundra frymës politike të partisë nga radhët e të cilës ajo është zgjedhur deputete.
Të tjerë e kanë quajtur si një vendim i cili bie ndesh me kontributin dhe sakrificat e të atit, Azem Hjadari për ardhjen e demokracisë në Shqipëri, duke shtuar se vendimi i deputetes është anti-frymës që ai kishte dhe përfaqësonte.
Kujtojmë se Rudina Hajdari refuzoi ti bashkohej vendimit të opozitës për djegien e mandateve në grup, me argumentin se ajo përfaqësonte interesat e popullit që e ka votuar dhe që mund të shërbejë më mirë atij përmes ushtrimit të detyrës së deputetes.
