Problemet dhe shkeljet e herë pas herëshme të ligjit në Shiqpëri, sidomos në periudhë fushate duket se nuk përbëjnë më lajm, as për Tiranën e zhvilluar dhe Shqipërinë që me shume mund po ‘e shtyjnë drejt një antarësimi të sforcuar në familjen europiane.
E megjithatë, sa më shumë kohë kalon aq më shumë ngatërrohen gjërat. Në Tiranën e prag-zgjedhjeve kur edicionet informative dhe mediat on-line nuk kanë filluar ende të ‘buçasin’ nga premtimet elektorale, kreu i Bashkisë së Tiranës, Erion Veliaj, ka nisur prej kohësh punën.
Në denoncimin e tij në Fcaebook, një ndër pjestarët e Këshillit Bashkiak në rradhët e Partisë Demokratike, Akil Kraja ka denoncuar me video se si po shkel Kodi Elektrola nga ai që drejton sot Bashkinë e Tiranës e që nesër do të kërkojë zyrtarisht një mandat të dytë.
Më poshtë statusi i Krajës
Filluan shkeljet e ligjit elektoral !
Ende pa u hapur zyrtarisht fushata elektorale, Bashkia Tiranë dhe stafi i turbulluar i LaliErit shkelin me dy këmbë ligjin elektoral.
Posterat në video janë thirrje për të marrë pjesë në takimin e Partisë Socialiste të dt. 23 mars, ku do të prezantohet lista e Këshilltarëve Bashkiak Tiranë.
Këto postera shkelin Kodin elektoral në dy aspekte:
Neni 77
“Fushata zgjedhore fillon 30 ditë para datës së zgjedhjeve dhe
përfundon 24 orë para datës së zgjedhjeve.”
Neni 79
“1. Kryetari i njësisë së qeverisjes vendore cakton, në mënyrë
të drejtë dhe të paanshme, vendet publike për afishimin e
materialeve propagandistike.
2. KQZ-ja miraton, me udhëzim të veçantë, kriteret për
përzgjedhjen e këtyre vendeve.
3. Çdo afishim i materialeve propagandistike jashtë vendeve
publike të autorizuara sjell heqjen e tyre nga organet e zbatimit të
ligjit, në varësi të njësisë qeverisjes vendore.”
Përderisa fushata nuk është hapur zyrtarisht, kjo është një shkelje e hapur e ligjit ndërkohë që vendosja e tyre vend e pa vend, jo vëtëm dëmton hapësirën publike duke shëmtuar e dëmtuar fasadat e pallateve të kryeqytetit, por dhe dëshmon sesi Bashkia shkel ligjin që supozohet të zbatojë vetë…
Pa filluar zgjedhjet, dhe ja sesi pushteti ju rikthye zakonit të vjetër : atë të shkeljes së ligjit elektoral, atë të manipulimit të elektoratit…
Ndërkohë që përgëzoj qytetarin që ka zbatuar ligjin duke i hequr posterat ilegale të Bashkisë Tiranë, i bëj thirrje KQZ-së të shprehet mbi këtë rast i cili konfirmon cdo qëndrim të opozitë se në situatën aktuale nuk mund të ketë zgjedhje të lira e të ndershme.
