Mbrojtësi i djathtë i Napolit, i cili dje luajti për Shqipërinë në debutimin historik në Kampionatin Europian, përballë Zvicrës, vijon të konsiderohet si një prej talenteve të rinj më shkëlqyes dhe premtues. Cilësi këto të Elseid Hysajt, të cilat u testuan dhe u rikonfirmuan edhe një herë dje, teksa përballë Rodriguez, ai triumfoi disa herë në duele, madje duke e detyruar kundërshtarin të ndërhyrë disa herë në mënyrë të parregullt.
Për performancën e djeshme, por mbi të gjitha për atë që ka shfaqur gjatë të gjithë sezonit në Seria A me Napolin, në radhën e ekipeve të interesuara për Hysajn, tashmë është renditur edhe Arsenali. Arsenal ofron 19 milionë euro për Elseid Hysajn. Sipas asaj që raportohet nga media britanike “Daily Star”, trajneri i “topçinjve”, Arsene Ëenger ka mbetur i impresionuar nga paraqitja e Hysajt gjatë 12 muajve të fundit në Seria A me Napolin dhe është gati të konfirmojë interesimin e tij, nëpërmjet një oferte konkrete. Referuar të njëjtit burim informacioni, Arsenali është i gatshëm t’i ofrojë Napolit një shumë prej 19 milionë euro, për të siguruar shërbimet e 22-vjeçarit shqiptar, Elseid Hysaj. Hysaj fitoi dje disa duele ndaj Rodriguez, duke menaxhuar edhe sulmuesin e Zvicrës, Seferovic.
Sipas tabloidit britanik, Hysaj mund të aktivizohet lehtësisht në krahun e majtë, duke marrë në konsideratë që krahu i djathtë i mbrojtes së Arsenalit është hipotekuar tashmë nga spanjolli Hector Bellerin, mbi të cilin që ndron gjithashtu frika e londinezëve, për një rikthim të mundshëm në shtëpi te Barcelona, herët a vonë. Dhe si për ironi të fatit, “Daily Star” thekson faktin se pikërisht edhe Barcelona është njëherësh e interesuar për mbrojtësin shqiptar, Hysaj, i cili konsiderohet nga klubi “blaugrana”, si kandidati i mundshëm për zëvendësimin e Dani Alves që u transferua te Juventusi.
