Përditësuar
Është shtyrë seanca paraparake te Krimet e Rënda, për ish-ministrin e Brendshëm, Saimir Tahiri.
Avokati i Tahirit ka deklaruar se do të kërkojë pushim të hetimeve, duke pretenduar se klienti i tij, ish-ministri i Brendshëm është i pafajshëm. Ai po ashtu pretendon, se Prokuroria nuk ka prova shtesë, apo ndonjë “as nën mëngë” kundër klientit të tij.
######
Ish-ministri i Brendshëm, Saimir Tahiri, ka mbërritur në Gjykatën e Krimeve të Rënda.
Tahiri është i shoqëruar nga avokati i tij dhe ka hyrë në gjykatë në seancën ku do të përballet me prokurorinë.
Gjatë seancës së sotme pritet të merret një vendim për çështjen Tahiri, pasi më herët ish-ministri dhe avokati i tij janë shprehur se prokuroria nuk ka prova për t’a lenë Tahirin në bangën e të akuzuarve.
