Duket se tashmë kriza politike ka mbetur në dorë të presidentit Ilir Meta. Ashtu sic ndodhi edhe në vitin 2017, kur në prag të zgjedhjeve Ilir Meta u vetë-ofrua për të dhënë dorëheqjen nga kreu i Kuvendit për të mirën e stabilitetit politik në vend, edhe sot, ai po bën të njëjtën lëvizje.
Si për ironi të përsëritjes së historisë, sa herë që Meta ndërmerr lëvizjen e rradhës, ujrat e politikës turbullohen dhe duket se këtë rradhë vendi do i drejtohet zgjedhjeve të parakohëshme. Por, lëvizjet e Metës dhe zgjedhjet janë padyshim një term ‘i frikshëm’ për maxhorancën e cila me urdhër nga kreu i qeverisë Edi Rama, e ka kategorikisht të ndaluar të komentojë çdo lloj prononcimi të presidentit të vendit deri në një dalje të dytë publike të tij.
I pari që pati ‘shansin’ e keq të kalonte testin ishte kreu i bashkisë, Erion Veliaj. Ky i fundit, i pyetur nga gazetarja e A2 lidhur me deklaratën e fortë të presidentit Meta, bëri pikërisht atë që di të bëjë më mirë. Lali Eri zgjodhi sërish ‘të lëpihet’ ndaj shefit duke bërë rolin e rradhës, atë të injroantit e të painformuarit. Ai u justifikua me alibinë se gjatë ditës së djeshme ‘ishte i mbytur në punë dhe se nuk ka pasur mundësi ta dëgjojë deklaratën e Metës’ paçka se gazetarja ia sqaro paraprakisht.
Përmes përgjigjeve të tij, Erion Veliaj, tashmë i rikonfirmuar si kandidat i shumicës në pushtet, për kryebashkiak i Tiranës për zgjedhjet e 30 Qershorit (nëse do të zhvillohen), ka dhënë sërish mesazhin e qartë të servilizmit dhe kaosit që ka pushtuar maxhorancën.
