14: 10-Ka ndërruar jetë 18 vjeçarja, Shqiponja Xhafa, e cila u aksidentua në përplasjen mes një autobusi dhe një makinë, në të cilën ajo ishte pasagjere..
Vajza u transportua me urgjencë me helikopter drejt Tiranës pasi ndodhej në gjendje të rendë, por për fat të keq nuk ka mundur t’u mbijetojë plagëve.
12:20-Helikopterët e Forcës Ajrore transportojnë 5 prej të plagosurve të aksidentit në aksin Tepelenë – Krahës. Dy helikopterë dërguan 5 pacientët në Spitalin e Traumës ku aktualisht gjenden nën kujdesin e mjekëve, njoftoi Ministria e Mbrojtjes.
***
(11:30) Dy ne gjendje te rende
Dy nga të plagosurit e aksidnetit në aksin Tepelenë – Krahës janë në gjendje të rëndë. Zergjin Sina 62 vjeç dhe Shqiponja Basha 18 vjeçe janë transportuar me helikopter drejt Tiranës për mjekim të specializuar.
***
Aksidenti
Një aksident ka ndodhur paraditen e sotme në aksin Tepelenë – Krahës, ku një autobus i linjës Sarandë-Elbasan është përplasur me një mjet tip ‘Volsvagen”.
Si pasojë e përplasjes. të lënduar kanë mbetur 9 persona ndërsa një çift të rinjsh, të fejuar, nga fshatrat e Tepelenës janë në gjendje të rëndë.
“Në aksin rrugor Memaliaj -Krahës, në afërsi të fshatit Toç, Memaliaj janë përplasur automjet ‘volkswagen’ me autobuzin e linjës Sarandë–Elbasan, ku si pasojë janë dëmtuar drejtuesi i autoveturës(shtetasi E.K) dhe pasagjeria (Sh.Xh), e cila ndodhet në reanimacion në Spitalin Rajonal “Omer Nishani”, Gjirokastër. Gjithashtu janë dëmtuar lehtë dhe disa pasagjerë të autobuzit, të cilët po marin ndihmë mjekësore. Grupi hetimor ndodhet në vendngjarje dhe po punon për zbardhjen e shkaqeve të aksidentit”, njoftoi Policia.
