Drejtori i Departamentit të Auditimit të Performancës në Kontrollin e Lartë të Shtetit, Rinaldo Muça, deklaron pranë ILDKP të ardhura nga gjashtë burime të ndryshme. Përpos pagës 1 346 889 lekë në KLSH, Muça deklaron 179 376 lekë nga mësimdhënia në Universitetin Marin Barleti, 1 900 euro nga mësimdhënia në Universitetin për Biznes dhe Teknologji në Prishtinë, 126 000 lekë nga mësimdhënia në Universitetin “Metropolitan” në Tiranë, 480 euro nga përgatitja e materialeve për auditimin e brendshëm në SIGMA si dhe 646 360 lekë nga auditimet brenda vitit pranë KLSH.
Po ashtu, Rinaldo Muça thotë se ka mbyllur tre depozita bankare me vlerat 12 mijë USD, 18 mijë euro dhe 32 mijë euro. Ndërkaq, Irena Islami, bashkëshortja e deputetit, Kastriot Islami, drejtore Drejtorie në KLSH, deklaron 15 llogari dhe depozita bankare në emër të saj, në emër të bashkëshortit dhe në emër të fëmijëve, Manjola dhe Florian Islami. Zonja Islami deklaron pagën e bashkëshortit 2 264 639 lekë, pagën e saj 1 288 610 lekë, një fond investimi shtuar me 72 534 lekë, të ardhura nga paga e Florian Islamit në ANSIG, 986 408 lekë, të ardhura nga paga e Manjola Islamit në shumat 825 431 lekë, 500 euro dhe 25 000 lekë.
