Është dorëzuar në polici, autori i vrasjes së Haxhi Baçinozit tek Kodrat e Liqenit javën e shkuar. 61 vjeçari Islam Mykaj është dorëzuar në polici mbrëmjen e sotme.
Ja njoftimi i policisë:
Pas një pune të mirëfilltë hetimore dhe profesionale, të bërë nga grupi i posaçëm hetimor i ngritur në Drejtorinë Vendore të Policisë Tiranë, në drejtimin e Departamentit të Policisë Kriminale në Policinë e Shtetit, për zbardhjen e vrasjes së ndodhur më datë 16 mars 2019, rreth orës 18:15, tek Liqeni Artificial, ku mbeti i vrarë me armë zjarri, shtetasi H. B., 62 vjeç, u bë e mundur zbardhja e ngjarjes dhe dokumentimi me prova ligjore i autorësisë së kësaj ngjarje.
Pas trysnisë së madhe të ushtruar nga Policia e Tiranës, kontrolleve të shumta për kapjen e autorit, si dhe negociatave të bëra mes Policisë dhe avokatit të autorit të dyshuar, autori i dyshuar, shtetasi I. M., 61 vjeç, nga Fieri, rreth orës 19.30 është vetëdorëzuar në Drejtorinë Vendore të Policisë Tiranë i shoqëruar nga avokati i tij.
Në bashkëpunim me Prokurorinë vijojnë veprimet e mëtejshme proceduriale.
Lexo edhe:
Vrasja tek liqeni/ ‘Boo kush e duron’!, Zbardhet dëshmia e mikut të vrasësit të Haxhi Baxhinofskit
