Vetëm disa dite pas vizitës së ministrit të jashtëm grek në Tiranë, kreu i PDIU-së Shpëtim Idrizi lëshoi serish kritika të forta ndaj deklaratave që diplomati grek bëri gjatë takimeve me zyrtarët shqiptarë për çështjen çame.
Kreu i PDIU ministrin e Jashtëm grek quajtur e ka quajtur arrogant që mban qëndrime të ndryshme në Tiranë e Athinë.
“Sillet si fëmija i përkëdhelur i lagjes që kur është tek lagjja e tjetrit rri urtë, kur kthehet tek lagjja e vet flet broçkulla. Qeveria shqiptare, diplomacia shqiptare duhet ta kuptojë se nuk mund të rrijë dot në dëshirën e baron portokallit, sepse baron portokalli na kujton kur ishim të vegjël, çupolinon dhe ai ishte një personazh si ministri i Jashtëm i Greqisë. Kur të vijë radhën tjetër në Shqipëri do t’i bëjmë një pritje akoma më të ngrohtë prej minimumi prej 150 mijë shqiptarësh të Çamërisë.”- shprehet Idrizi.
Kreu i PDIU shprehu mirënjohje të veçantë për presidentin dhe qeverinë shqiptare për qëndrimin e mbajtur gjatë takimit me ministrin e jashtëm grek për çështjen çame.
“Qeveria shqiptare për herë të parë lëvizi në drejtimin e duhur dhe më duhet që të falënderoj Presidentin e Republikës, Kryeministrin, ministrin e Jashtëm, që kësaj radhe ishin në unison për çështjen çame, tashmë të trajtuar jo si çështje e pronave të atyre, apo pronave të shqiptarëve të Çamërisë, sepse tashmë çështja çame është një çështje e të gjithë shqiptarëve dhe më së fundi është çështje prone.”- shton më tej kryetari i PDIU.
Deklaratat kreu i PDIU i bëri në ceremoninë përkujtimore të 55 vjetorit të vrasjes së shqiptarëve të Çamërisë të organizuar nga Shoqata Çamëria.
