Ndryshime të shumta nga lista e lojtarëve të grumbulluar nga Kombëtarja Shqiptare. Pas ndëshkimit të Strakoshës për shkak vonese dhe zëvendësimit të tij nga Gentan Selmani, Federata Shqipate e Futbollit, ka njoftuar mbrëmjen e sotme e sotme, se Andi Lila dhe Egzon Binakut janë detyruar të lënë grumbullimin për shkak dëmtimi dhe kanë ardhur dy lojtarë të rinj për t’i zëvendësuar.
Siç njofton federata, vendin e tyre e kanë zënë Ylber Ramadani, ish-i i Partizanit që aktivizohet tek Velje në Danimarkë, si dhe Lorenc Trashi, mbrojtësi i majtë i Partizanit.
Ramadani është ftuar edhe herë të tjera në Kombëtaren Shqiptare, tashmë vjen një ftesë edhe për të majtin e Partizanit, pas paraqitjeve mjaft të mira në Kategorinë Superiore.
