Forcat politike në vend të punojnë së bashku për stabilitetin dhe reformat.
Kështu shkruan në një postim në rrjetet sociale Komisioneri për zgjerim në Bashkimin Evropian, Johannes Hahn, i cili ka zhvilluar një takim me ambasadorin e BE në Shqipëri, Luigi Soreca.
“Është mirë të flasësh me njeriun tonë, ambasadorin e BE në Shqipëri Luigi Soreca përpara raporteve për zgjerimin e BE në pranverë.
Është e rëndësishme që të gjitha forcat politike në vend të punojnë së bashku për stabilitetin dhe reformat në këto javë vendimtare, në interes të qytetarëve të tyre”, shkruan Hahn.
