Një vrasje ka ndodhur mbasditen e kësaj të shtune në zonën e Kodrave të Liqenit në Tiranë. Burime bëjnë me dije se është vrarë 62-vjeçari, Haxhi Baxhinozi, ish-i përndjekur politik. Ai është ekzekutuar në sy të të birit të tij të mitur. Burimet sqarojnë se ata ishin duke vrapuar në momentin e vrasjes. Mësohet se autori i vrasjes është identifikuar si Islam Myrkaj, nga Fieri. 62-vjeçari është qëlluar disa herë me armë zjarri dhe megjithëse është transportuar në spital, nuk ka mundur t’ju shpëtojë plagëve të marra. Ende nuk dihen arsyet e kësaj vrasjeje të rëndë që trondit kryeqytetin. Policia ndodhet në vendngjarje dhe po punohet për zbardhjen e plotë të rrethanave të kësaj ngjarjeje të rëndë.
Njoftimi i policisë:
Tiranë, Informacion paraprak. Rreth orës 18:15, tek Liqeni Artificial, është vrarë me armë zjarri, shtetasi H. B., 62 vjeç. Policia ka identifikuar autorin dhe po punon për kapjen e tij.
/Dosja.al/
