Mbrëmjen e sotme janë ndaluar 4 persona, teksa në makinën me të cilën ata lëviznin janë gjetur 2 kg, lëndë kanabis sativa e përpunuar, e cila ishte gati për treg.
Uniformat blu në rrugë operative kishin siguruar informacione për një makinë të dyshimtë, të cilën e ndoqën nga Fushë-Kruja në Tiranë.
Pas kontrollit të mjetit u gjet në bagazh 2 kg kanabis i përpunuar, ndërsa autorët janë shoqëruar në komisariat dhe po merren në pyetje.
Ndërkohë që burime për Boldnews, bëjnë me dije se një nga personat e ndaluar është identifikuar si Altin Koçi.
