Një person ka humbur jetën dhe një tjetër është plagosur si pasojë e një aksidenti që ka ndodhur në hyrje të Koplikut. Viktima është Nikola Sokolja, 26 vjeç, ndërsa i plagosur ka mbetur Lekë Malota, 59 vjeç, të dy nga Malësia e Madhe.
Sipas informacioneve të policisë, në aksident janë përfshirë dy automjete.
“Me datë 15.03.2019 rreth orës 12:00 në aksin rrugor Shkodër- Koplik në vendin e quajtur kryqëzimi i Koplik i Sipërm, mjeti tip “Benz” është përplasur me mjetin “Volkswagen” për pasojë ka gjetur vdekjen shtetasi N.S. 26 vjeç banues në Malësi të Madhe, drejtuesi i mjetit tip”Benz” si dhe ka mbetur i dëmtuar jashtë rrezikut për jetën dhe ndodhet nën kujdesin e mjekëve në Spitalin Rajonal Shkodër, shtetasi L. M. 59 vjeç banues në Malësi të Madhe”, sqaron policia.
Grupi hetimor po punon për sqarimin e rrethanave të aksidentit. /BN/
https://streamable.com/5p46d
