Skënderbeu kërkon kthesën e madhe. Dhe jo për t’i prishur llogaritë kundërshtarit për garën me kreun, por për të rikthyer qetësinë e munguar në Korçë. I këtij mendimi është edhe Bruno Dita, i cili hapur e thotë se askush në ekip nuk mendon për “revansh” për titullin që verilindorët iu hoqën dy sezone më parë. Në një intervistë të dhënë për “Panorama Sport”, mesfushori ka analizuar ecurinë dhe është zotuar se situata do të ndryshojë duke filluar nga e shtuna.
Luani me Kukësin, si e parashikon Bruno këtë duel?
Është një duel klasik, ku askush nuk e do humbjen dhe të dyja duan fitoren. Kukësi kërkon që të mbajë ritmin e kryesuesit, ndërsa ne të rikuperojmë pikë dhe të kapim zonën “Euro”.
Vini pas një krize të gjatë rezultatesh, a mund të jetë Kukësi kundërshtari i duhur për të gjetur kthesën?
Po, është e vërtetë, kemi pasur shumë humbje dhe një pjesë e mirë e tyre kanë qenë të pamerituara. Loja nuk ka munguar, por nuk jemi treguar aq sa duhet të përqendruar për të marrë rezultat tjetër. Gjithsesi, ekipi është dukur i qetë ditët e fundit dhe të gjithë jemi të karikuar. Moralisht jemi më mirë dhe kjo do na ndimojë mjaft.
Trajneri ka instituar tek ai 30-minutësh i fundit i luajtur në Durrës…
Ka qenë me të vërtetë një ndeshje karakteri dhe të gjithë jemi të vetëdijshëm për këtë. M’u duk sikur në fushë pashë një ekip më të vendosur për të bërë mirë dhe p♪7r të marrë rezultat njësoj siç ishim në fillim të sezonit.
Si e shpjegoni faktin që në 10 javë keni 8 humbje, 1 fitore dhe 1 barazim?
Besoj se na ka penalizuar mjaft mungesa e eksperiencës. Derisa nuk kishim pësuar asnjë humbje, çdo gjë shkonte perfekt. Por kur dështuam të reagonim pas humbjes së parë dhe erdhë edhe dy humbje të tjera, situata u tensionua mjaft. Jemi shumë lojtarë të rinj në ekip dhe kthimi tek fitorja dukej e vështirë pas çdo ndeshjeje që humbnim. Duhej një shkundje nga ana psikologjike, gjë të cilë na e dha përballja me Teutën. Tani besoj se duhet të kapemni fort pas kësaj ndeshjeje dhe të rifillojmë që atje./Panorama Sport
