Skënderbeun e pret një sfidë e vështirë të shtunën në Korçë përballë Kukësit dhe korçarët do të kërkojnë me çdo kusht fitoren sidomos pas lajmeve të mira që po qarkullojnë nga CAS.
Ditën e djeshme ekipi ka analizuar ndeshjen e fundit. Përmes pamjeve filmike, Orges Shehi ka evidentuar mangësitë e shfaqura dhe ka kërkuar rregullimin e tyre. Afro 20 minuta zgjati gjithçka dhe më pas ekipi është zhvendosur në fushë, aty ku trajneri ka kërkuar impenjim maksimal në çdo aksion apo ushtrim të përcaktuar. Pikërish sot, kur do të mbyllen edhe përgatitjet e fundit para Kukësit, pritet që të studiohet edhe kundërshtari dhe të zhvillohet mbledhja e zakonshme me presidentin.
