Ngjarja e helmimit të vjehrrës nga nusja pasi i hodhi fotoksinë në lëngun e portokallit ka shkuar në Gjykatë pas hetimeve të Prokurorisë së Krimeve të Rënda. Prokorori Besnik Muçi dërgoi në gjyq çështjen për vrasjen e shtetases Lirije Lami. Nusja 21 vjeçare u hetua në gjëndje arresti me burg.
Çështja është në ngarkim të shtetasve:
– Marjana Cmeta, lindur në Tiranë dhe banuese në Kamëz gjyqesore i padënuar, e akuzuar për kryerjen e veprës penale të “Vrasjes për shkak të marrdhënieve familjare” parashikuar nga neni 79/c i Kodit Penal.
– Hysen Shehu, lindur në Vranjt Dibër dhe banues në Tiranë, i akuzuar për kryerjen e veprës penale të “Moskallzimit të krimit” parashikuar nga neni 300/1 i Kodit Penal.
– Agim Lami, lindur në Zall Mner Tiranë dhe banues në Frutikulturë, Kamëz, i akuzuar për kryerjen e veprës penale të “Moskallzimit të krimit” parashikuar nga neni 300/1 i Kodit Penal.
– Arben Saliu, lindur në Zal Mner Tiranë dhe banues në Frutikulturë, banues ne Kamez, i akuzuar për kryerjen e veprës penale të të “Moskallzimit të krimit” parashikuar nga neni 300/1 i Kodit Penal.
Vrasja e Lirije Lamit më 30 prill 2017në Kamëz, është pranuar me gojën e saj nga nusja 21-vjeçare, Marjana Cmeta
Disa muaj pas krimit, nusja ka shkuar të rrëfehet te hoxha duke i kërkuar atij që Allahu ta falë për mëkatin. Ky i fundit e ka regjistruar me video rrëfimin dhe ia ka raportuar bashkëshortit të viktimës, Agim Lami. Por si hoxha ashtu edhe bashkëshorti i viktimës kanë rënë në pranga, pasi nuk e kanë kallëzuar këtë krim pranë organeve të drejtësisë, ndaj dhe tani do të duhet të vuajnë dënimin, së bashku me të afërmin e Agimit, i cili ka qenë në dijeni të videos.
VIDEO e rrëfimit të nuses
