Nis punimet Kuvendi, betohen 7 deputetët e opozitës së re

Në nisje të seancës së sotme parlamentare, janë betuar përpara deputetësve të tjerë dhe Kushtetutës, 7 deputetët e rinj të opozitës së re.
Deputetët që iu bashkuan rishtas Kuvendit, janë përshëndetur nga deputetët e maxhorancës ndërkohë që jashtë Kuvendit këto betime kanë pasur një sërë kontestimesh.
Nga lista shumëemërore e LSI-së do të hyjnë sot në Kuvend Elda Hoti Erdiola Braha dhe Edlira Hyseni, ndërsa nga lista e PD-së Lefter Maliqi dhe Majlinda Halilaj.
Emrat e dy kandidatëve të tjerë të PD-së që kanë marrë mandatin në KQZ, Ligoraq Karamelo dhe Alban Zeneli, duhet të kalojnë në një mbledhje “blic” të Komisionit të Mandateve, përpara se edhe ata të bëjnë betimin dhe të zënë vend në sallë.