Blerta Dervishi, punonjëse policie, është pezulluar nga detyra.
Dervishi ishte një nga banoret që dje protestoi dhe kundërshtoi vendimin e përmbaruesve te zona e Petro Ninit në Tiranë.
Dervishi, nëna e dy fëmijëve të mitur, tërhoqi vëmendjen e mediave, teksa kundërshtonte përmbaruesit, por dhe efektivët e policisë për të mos lejuar marrjen e shtëpisë.
Blerta punon në patrullën e posaçme të Shqiponjave në Policinë e Shtetit, ndërsa është njoftuar përmes telefonit për pezullim të përkohshëm nga detyra.
Por Blerta thotë se dje ajo ishte thjesht një qytetarë që po mbronte pronën e vet dhe fëmijët e mi.
“Unë jam banore, jam qytetare e thjeshtë e lirë për të mbrojtur pronën time dhe fëmijë e mi sepse nuk kam ku të shkoj tjetër”, sqaron Dervishi.
Një ditë më parë sjellja e policisë në përplasjen me banorët, mes të cilëve shumë grad he fëmijë, ka marrë kritika të shumta nga opinion public. Skenat e krijuara dhe reagimet qytetare në rrjete, duket se detyruan ministrin e Brendshëm, dhe më pas Kryeministrin, të shprehnin kritika të forta ndaj policisë që vetë komandojnë. Më pas në orët e mbrëmjes, ata shfrytëzuan këtë ngjarje për shkarkimin nga detyra të kreut të Drejtorisë së Policisë së Tiranës, edhe pse vendimi për shkarkimin e tij, ishte marrë 3 ditë më parë.
