KUJDES: : PAMJE TE RENDA
Në media po qarkullojnë disa pamje që po trondisin gjithë botën që vijnë nga Venezuela. Një adoleshente e kequshqyer vdiq në krahët e mamasë së saj, pasi mjekët nuk mund ta trajtonin për shkak të mungesës së energjisë në spital.
Vendi i goditur rëndë nga kriza po përjeton ditë të vështira për shkak të mungesës së theksuar të energjisë, për të cilën regjimi fajëson … SHBA-në.
Sipas Daily Mail, Elizabeth Diaz u detyrua të mbante në krah trupin e të bijës, që peshon vetëm 10 kg, për ta dërguar në morg.
Ajo e dërgoi në dy qendra spitalore të bijën e sëmurë, por askush nuk e mori përsipër. Adoleshentja ndërroi jetë në krahët e mamasë. Situata e vështirë ekonomike nuk lejoi atë që të marrë trupin e të bijës për një shërbim normal funeral. Imazhet e këtij momenti kanë bërë xhiron e botës, duke treguar ndoshta pikën më të ulët ku ka mbërritur situata në vend.
