Grupi militant islamik al-Shabaab njoftoi sot se ka vrarë 43 paqeruajtës të Bashkimit Afrikan gjatë një sulmi mbi bazën e tyre ushtarake në Somalinë Qendrore.
Grupi Al-Shabaab, i lidhur me Al-Qaedan, ka marr përgjegjësinë pak kohë pas sulmit nëpërmjet radios prokryengritësve ”Anadlus” duke njoftuar se, luftëtarët e grupit islamist kanë vrarë 43 ushtarë etiopianë.
”Sulmi në agim mbi kompleksin e Bashkimit Afrikan në qytetin Halgan, i cili drejtohet nga paqeruajtësit etiopianë, ka filluar me bomba vetëvrasëse”, citohet një zyrtar i ushtrisë somaleze, nga agjencia gjermane e lajmeve DPA.
”Më pas, dhjetëra militantë të armatosur rëndë kanë hapur zjarr me mitraloza dhe granatahedhëse”, shtoi zyrtari, i cili ka kërkuar të ruajë anonimitetin.
