Ish-kryeministri Sali Berisha, ka reaguar ashpër pas deklaratave të bëra sot nga Rama dhe Lleshaj, se shkarkuan Drejtorin e Policisë së Tiranës, Kastriot Skënderaj, si masë, pas dhunës policore ndaj grave dhe fëmijëve tek ‘Petro Nini’.
Me anë të një reagimi në Facebook, Berisha shkruan, se Rama kërkon të lajë duart nga krimi barbar mbi gratë dhe fëmijët duke u tallur me shqiptarët.
Ai sqaron se shkarkimi i Skënderajt ishte lajmëruar 48 orë më parë në media, dhe nuk ka asnjë lidhje me ngjarjen e sotme. /Boldnews.
Ja postimi i Berishës:
Krye krye kreu i meduzes Edvini lan duart pas barbarise!
Miq, barbaria e narkopolicise ndaj femijeve, grave qe u flaken ne rruge tek Petro Nini nga narkopolice mizore pa ligj dhe moral, sipas Edvinit nuk ka lidhje me qeverine.
Me kete qendrim cinik, amoral ai kerkon te binde qytetaret se narko lpolicia, Geron, Vasal Lleshaj nuk kane lidhje me te dhe nuk varen direkt prej tij.
Per te lare duar si krimineli pas krimit ai duke u tallur me cinizem dhe paturpesi me qytetaret njoftoi se shkarkoi per kete akt narkodrejtorin e policise se Tiranes, Skenderaj duke harruar se te gjitha mediat e vendit kishin njoftuar 48 ore me pare shkarkimin e tij nga detyra pra pa asnje lidhje me ngjarjen e sotme.
Duke denuar me ashpersine me te madhe Edvin Kristaq Urrejtjen per barbarine e sotme publike ndaj femijeve, grave te pambrojtur iu bej thirrje qytetareve te bashkohen per te shporrur nje minute e me pare Edvin Kristaq Urrejtjen dhe kliken e tij nga pushteti. sb
