Ministri i Punëve të Brendshme, Saimir Tahiri ka vazhduar denoncimin e tij lidhur me gjyqtarin Arjan Aliaj duke zbuluar detaje të reja nga gjykimi i drejtorit të Policisë së Shtetit, Haki Cako.
Tahiri ka ngritur akuza për zgjedhjen e gjytarit Aliaj pa short kundër çdo rregulli. E për këtë ai iu drejtua presidentit Nishani për mënjanimin e shortit të gjyqtarëve pasi sipas tij gjyqtari Aliaj nuk ishte gjyqtar i gatshëm, por është caktuar në kundërshtim me ligjin.
Në një konferencë për shtyp Ministri Tahiri i drejtoi disa pyetje Presidentit të Republikës, Bujar Nishani si kreu i Këshillit të Lartë të Drejtësisë.
“Dje fatmirësisht Gjykarta e Tiranës pranoi se skandali ekziston por gjyqtari është zëvendësuar dhe përzgjedhur gjyqtarin Arian Aliaj se gjyqtari tjetër kishte probleme shëndetësore.
Kjo është hera e dytë që dëgjoj justifikime të këtij tipi pas justifikimeve që jepte Lulzim Basha për të mos u paraqitur në gjyq me raporte shëndetësore… Por është hera e parë që Gjykata e Tiranës pranon një skandal për zëvendësimi e një gjyqtari pa respektuar shortin, rregullat, duke përzgjedhur një gjyqtar jashtë rregullave të disponueshëm për të dhënë një vendim të parregullt dhe joligjor.
Dua të pyes Presidentin e Republikës, kreun e KLD, për cilën arsye u përzgjodh gjyqtari Arjan Aliaj i cili është shkarkuar nga detyra sepse ka liruar nga burgu një person të dënuar me 14 vjet për marrëdhenië seksuale me dhunë?
Ka qenë i shkarkuar se ka liruar për vrasje me dashje mbetur në tentativë dhe armë mbajtje pa leje?
Për cilën aryse duhet të zgjidhej gjyqtari që ka dhënë të paktën edhe 4 vendime të tjera për lirim nga burgu i të dënuarve që kanë kryer vepra penale si vjedhje… Për cilën arsye u shkel rregulli, shorti? Unë nuk besoj se Presidenti nuk do kthejë përgjigje sa kohë merret me lodrat e kalamajve, sa kohë që s’ka kthyer përgjigje deri sot për denoncimet që unë kam bërë. Pse duhej zgjedhur një ushtar politik në një çështje që s’ka asnjë lidhje me të vërtetën dhe asnjë lidhje me drejtësinë?”, tha Tahiri. “Kjo është dëshmia se si segmente të caktuara të prokurorisë e gjykatës bëhen bashkë me frontin e të keqes me të gjithë ata që nuk duan reformën në drejtësi”, vijoi ai.
