Kreu i opozitës Lulzim Basha, ka folur sërish për krizën institucionale që ka përfshirë Shqipërinë.
I ftuar në ‘Zonë e Lirë’, Basha deklaroi se opozita do të futet në zgjedhje, sapo të sigurojë votën e lirë dhe të ndershme.
‘Sapo të fitojmë betejën jetike për zgjedhjet e lira dhe të ndershme, ne do të futemi në zgjedhje. Duhet të ndryshojmë sistemin zgjedhor. Nuk ka vetëm protesta, ne kemi nisur një proces konsultimi mbarëkombëtar. Sot nuk ka më parlament, aty vidhen pronat e shqiptarëve. Ne nuk duam të jemi më pjesë e asaj maskarade. Këtë krizë institucionale e zgjidh populli’, deklaroi Basha.
