Nga Boldnews.al
Depuetja e PD-së Rudina Hajdari u gjend sot në Vaun e Dejës, në një aktivitet të organizuar nga ambasada e BE-së në vendin tonë. Prania e saj, që nuk ka lidhje me zonën ku është zgjedhur deputete, flet edhe më shumë se vetë fjalët e thjeshta që transmetoi.
“Duhet të punojmë bashkë në të gjitha fushat për të arritur gjërat elementare. Mos harroni kurrë se ju jeni forca e këtij qyteti, por duke punuar bashkë, duke ngritur zërin si sot, ne nuk do ishim në dijeni të problemeve dhe t’i adresonim ato”- tha Hajdari, duke iu drejtuar grave të pranishme. Qëndrimin e mbajti ndërsa ishte në krah të Ambasadorit të BE-së ne vendin tonë Luigi Soreca dhe deputetës socialiste Eglantina Gjermeni.
Në përgjigje të mediave ajo u shpreh shkurt se kishte folur si qytetare… Por ajo nuk është një qytetare e thjesht, Rudina ishte surprizë në zgjedhjet e kaluara ku në pak muaj qëndrim në Shqipëri, pasi la Amerikën ku jetonte, u përfshi në listën e deputetëve të PD-së për qarkun Tiranë. Gjithkush në PD e konsideroi si një vlerë, për më shumë ishte e bija e Azem Hajdarit.
Në momentin më kritik të opozitës, teksa mori vendimin ekstrem politik për djegien e mandateve, Rudina Hajdari iu shmang tollovisë dhe u nis drejt Amerikës. Në kthim dha një deklaratë se ishte konsultuar me përfaqësues të huaj dhe indirekt kritikoi vendimin e partisë për djegien e mandateve.
Çëdoi fort në artikulim dhe qëndrim, pasi ishte e para që artikuloi “djegien e mandateve” dhe bashkimin me kauzën e studentëve që protestuan për disa ditë resht në muajin dhjetor, por vetëm dy muaj më vonë, kur opozita vendosi të djegë mandatet, Rundina Hajdari iu shmang vendimit politik. Ajo vijon të jetë deputete e PD-së dhe nga selia blu ka një lloj droje që edhe ndaj saj të merret vendimi i përjashtimit, ashtu sikurse ndodhi me depyutetin tjetër Myslym Murrizi.
Përkujdesja e Hajdarit për tu ngjitur pas përfaqësuesve ndërkombëtarë duket se nuk është një gjest rutinë, por e mirëmenduar për të arritur një synim. Zërat se është aty e gatshme të marrë drejtimin e Partisë Demokratike po shtohen gjithnjë e më shumë. Në publik po mundohet të trasmetojë një “frymë konstruktive” dhe një kulturë në dukje Nordike me kundërshtarët politik, por vendi dhe koha që ka zgjedhur nuk janë në favor të saj.
Përballë ndodhet kryeministri Edi Rama, një personazh politik që konceptin “marrëveshje me kundërshtarët” e kthen gjithnjë në favor të tij, për të krijuar më pas një hiperbolë propagandistike dhe vituale në mbajtje të pushtetit.
Shfaqja gjithnjë e më shumë si protagonist e Rudina Hajdarit duket se më shumë se të sjellë një tjetër frymë në politikëbërje mbetet një formë për të shtuar edhe më tepër ditët e mbajtjes së pushtetit të Edi Ramës.