Infermierët dhe farmacistët do ti nënshtrohen provimeve të shtetit dhe atyre të aftësimit praktik. Gazeta Shqiptare zbardh sot datat e dorëzimit të dosjeve nga ana e aplikantëve, datat e testimit si dhe dokumentacionin e plotë që duhet të paraqesin të interesuarit. Sipas Urdhrit të Farmacistëve të Shqipërisë, afati i fundit i dorëzimit të dosjeve dhe i regjistrimit për provimin e vlerësimit të aftësimit praktik (VAP) është data 21 Mars 2019. Praktikantët që do t’i nënshtrohen provimit të VAP në mënyrë të përsëritur, duhet të paraqesin brenda datës 21 Mars 2019 kërkesën dhe mandatin e pagesës.
“Provimi i aftësimit praktik (VAP) do të organizohet në ambjentet e UFSH, nga data 27 – 29 Mars 2019, sipas ndarjes së mëposhtme: data 27.03.2019 do të zhvillohet provimi për praktikantët me numër dosje 2920 – 2945; data 28.03.2019 do të zhvillohet provimi për praktikantët me numër dosje 2946 – 2970; data 29.03.2019 do të zhvillohet provimi për praktikantët me numër dosje 2971 – 2997 si dhe praktikantët që e kanë kryer praktikën në periudha të mëparshme”,-thekson UFSH. Ndërkohë, praktikantët që do ti nënshtrohen VAP, duhet të paraqiten në orën 8:00 në ditën e provimit si dhe duhet të kenë me vete kartën e identitetit
Provimet e shtetit
Regjistrimi i kandidatëve për provimin e shtetit të sezonit Maj 2019 do kryhet nga data 03 – 05 Prill 2019, pranë zyrave të UFSH Tiranë. Kandidatët që hyjnë për herë të parë në provimin e shtetit, duhet të dorëzojnë formularin e aplikimit, fotokopjen e kartës së identitetit, fotokopjen e noterizuar të diplomës universitare dhe listës së notave, si dhe fotokopjen e noterizuar të suplementit të diplomës. Gjithashtu, aplikantët duhet të paraqesin edhe një dëshmi të pjesëmarrjes në praktikën profesionale ( lëshuar nga UFSH në momentin e kalimit me sukses të provimit të VAP); dëshminë e kursit të ndihmës së shpejtë (lëshuar nga Kryqi Kuq Shqiptar); raportin mjeko ligjor; dëshminë e penalitetit; vërtetim nga prokuroria e rrethit që individi nuk është në ndjekje penale; mandat pagesën në llogari të AKP; si dhe dy fotografi në format pasaporte.
Kandidatët përsëritës
Sakaq,Gazeta Shqiptare zbardh sot edhe dokumentacionin që duhet të dorëzohet nga kandidatët përsëritës për tu regjistruar për provim shteti. Përkatësisht ata duhet të paraqesin formularin e aplikimit, fotokopjen e diplomës universitare, fotokopjen e kartës së identitetit, raportin mjeko-ligjor, dëshminë e penalitetit, vërtetimin nga prokuroria e rrethit që personi nuk është për ndjekje penale, mandat pagesën në llogari të AKP; si dhe dy fotografi në format pasaporte. “Raporti mjeko-ligjor, vërtetimi nga prokuroria dhe dëshmia e penalitetit duhet të jenë të lëshuara gjatë tre muajve të fundit.
Kandidatët për t’u regjistruar duhet të paraqesin detyrimisht dëshminë e penalitetit, lëshuar nga Drejtoria e Përgjithshme e Burgjeve.
Kandidatët që janë diplomuar në ish Universitetin “Kristal” duhet të paraqesin vërtetimin e vlefshmërisë së diplomës, lëshuar nga Ministria e Arsimit, Sportit dhe Rinisë”,-bën me dije Urdhri i Farmacistëve të Shqipërisë.
Provim për infermierët
Në datat 12,13, dhe 15 Mars 2019, do të bëhen regjistrimet për të gjithë ata që dëshirojnë të hyjnë në VAP Prill 2019 në profesionin e infermierit. “Për të krijuar mundësinë e pjesëmarrjes në provim, të gjithë kandidatët e interesuar duhet të dorëzojnë pranë zyrave ku kanë bërë regjistrimin në praktikë dokumentet e mëposhtme: kërkesë për regjistrim në provim, ku do të përcaktoni saktë për të satën herë hyni në provim praktike; fotokopje të diplomës dhe listës së notave; fotokopje të kartës së identitetit dhe kartës së praktikantit; si dhe librezën e Praktikës”,-thekson Urdhri i Infermierëve të Shqipërisë. Ndërkohë, provimi VAP do të zhvillohet gjatë muajit Prill 2019, por për datat e sakta për secilin person që dorëzon librezën, duhet të kontrollohet faqja e UISH online. Ata që e japin VAP në këtë sezon nuk kanë nevojë të bëjnë konfirmim pjesëmarrje për Provimin e Shtetit, pasi për të gjithë fituesit e VAP, emri herën e parë (dmth direkt pasi kanë fituar VAP) regjistrohet automatikisht për Provim Shteti.
Dokumentacioni për farmacistët
Për kandidatët që regjistrohen për herë të parë në provim shteti
1. Formular aplikimi.
2. Fotokopje e kartës së identitetit.
3. Fotokopje e noterizuar e diplomës universitare dhe listës së notave.
4. Fotokopje e noterizuar e suplementit të diplomës.
5. Dëshmi e pjesëmarrjes në praktikën profesionale ( lëshuar nga UFSH në momentin e kalimit me sukses të provimit të VAP).
6. Dëshmi e kursit të ndihmës së shpejtë ( lëshuar nga Kryqi Kuq Shqiptar).
7. Raport mjeko ligjor.
8. Dëshmi penaliteti.
9. Vërtetim nga prokuroria e rrethit qe nuk është në ndjekje penale.
10. Mandat pagesa në llogari të AKP
11. 2 ( dy ) fotografi ( format pasaporte).
Për kandidatët përsëritës
1. Formular aplikimi.
2. Fotokopje e diplomës universitare
3. Fotokopje e kartës së identitetit.
4. Raporti mjeko-ligjor.
5. Dëshmi penaliteti;
6. Vërtetim nga prokuroria e rrethit që nuk është për ndjekje penale;
7. Mandat pagesa në llogarinë e AKP
8. 2 ( dy ) fotografi ( format pasaporte).
Datat e testimit për farmacistët
Provimi i aftësimit praktik (VAP) do të organizohet në ambjentet e UFSH, nga data 27 – 29 Mars 2019, sipas ndarjes së mëposhtme:
-Data 27.03.2019 do të zhvillohet provimi për praktikantët me numër dosje 2920 – 2945
-Data 28.03.2019 do të zhvillohet provimi për praktikantët me numër dosje 2946 – 2970
-Data 29.03.2019 do të zhvillohet provimi për praktikantët me numër dosje 2971 – 2997 si dhe praktikantët që e kanë kryer praktikën në periudha të mëparshme.
*Praktikantët që i nënshtrohen VAP, duhet të paraqiten në orën 8:00 në ditën e provimit si dhe duhet të kenë me vete kartën e identitetit
Dokumentacioni për infermierët
-Kërkesë për regjistrim në provim, ku do të përcaktoni saktë për të satën herë hyni në provim praktike. (shkarkoje këtu)
-Fotokopje të diplomës dhe listës së notave.
-Fotokopje e kartës së identitetit dhe kartës së praktikantit.
-Librezën e Praktikës (Ata që e kanë dorëzuar në sezone të mëparshme, por më pas nuk janë paraqitur në provim, duhet të specifikojnë në Kërkesë sezonin kur e kanë dorëzuar).
/Gsh.al/
