Aktori i humorit Gaz Paja ka thumbuar kryetaren e LSI-së Monika Kryemadhi, nga ahengu me gratë në Fier, që organizoi këtë 8 Mars kryeministri Edi Rama.
“Kur do flasim”, – përsëriti disa herë Paja, frazë kjo e përdorur së fundmi nga kryeministri Edi Rama për opozitën. “Ti i thua moj dale kur do flasim dhe ajo të hedh çizmen nga koka. Po dale ka vend për durim këtu”, shtoi.
Të enjten e 18 Dhjetorit, në sallën e parlamentit, kryetarja e LSI-së hoqi njërën çizme dhe me të qëlloi drejt kreut të qeveris Edi Rama.
Në atë seancë, mes kundërshtive të forta të opozitës, u votua nga mazhoranca Arta Marku, si kryeprokurore e Përkohshme. /Boldnews.al/
