Katër shtetas italianë janë arrestuar nën akuzën e vrasjes dhe fshehjes së krimit në mënyrë monstruoze duke e murosur kufomën në një apartament.
Viktima është shqiptari Astrid Lamaj, i cili u shpall i humbur në qershor të vitit 2013 në Genova të Italisë ndërkohë që trupi i tij u gjet vetëm në janar të vitit 2019.
Kërkimet për gjetjen e tij zgjatën disa vite derisa forcat italiane të policisë arritën të binin në gjurmët e autorëve të krimit. Arrestimi 4 autorëve që akuzohen për vrasjen e shqiptarit u bë i mundur vetëm falë hetimeve të ndjekura hap pas hapi nga drejtësia italiane.
Vrasja e shqiptarit u krye për shkaqe banale. Sipas të dhënave nga mediat italiane, mësohet se shqiptari u ekzekutua për një borxh të pakthyer ku bëhej fjalë për një shumë parash të konvertuar në bizhuteri dhe sepse kishte ndërprerë lidhjen e dashurisë me një person të ngushtë me një nga autorët e vrasjes.
Shqiptari pasi ishte vrarë ishte murosur në muret e një apartamenti dhe pjesët e tij janë zhvendosur tanimë për tu ruajtur drejt banesës së fundit.
/Boldnews.al/