Një vendim i gjykatës së Apelit të Tiranës, në korrik 2015, zbardhen detaje lidhur me vrasjen për të cilën është akuzuar Armando Gorezi nga autoritet litaliane.
Në vendimin e rreth katër viteve më parë, ku Apeli la në fuqi vendimin e shkallës së parë për ekstradimin e 44-vjeccarit drejt Italisë për shkak të akuzës për “Plagosjes me pasojë vdekjen” e Idrit Kuçit, jepen detaje rreth arrestimit të Armando Gorezit nga Kuçova në kryeqytet, në 14 shkurt të po atij viti.
Arrestimi
Në vendimin e gjykatës thuhet se: Gjykates se Rrethit i ka rezultuar se, më datë 14.02.2015, ora 16:00 është arrestuar nga oficerët e policisë gjyqësore të Drejtorisë së Policisë Qarkut Tiranë shtetasi Armando Gorezi, pasi nga ana e Zyrës Qendrore të Interpol Tiranës është konfirmuar se, ky shtetas është person në kërkim ndërkombëtar, i shpallur nga autoritetet italiane të drejtësisë. Shtetasi Armando Gorezi është shpallur në kërkim ndërkombëtar nga autoritet e drejtësisë italiane mbi bazën e urdhrit të arrestit ndërkombëtar Nr.5364/12RGNR-24320/13RG GIP, dt.06.05.2014 të Gjykatës së Torinos, i dyshuar për kryerjen e veprës penale të “Plagosjes me pasojë vdekjen”, parashikuar nga nenet 575 e 577 të K.Penal Italian. Një vepër e tillë parashikohet edhe nga neni 88/2 i Kodit Penal të Republikës së Shqipërisë. Pas ndalimit, Prokuroria i ka kërkuar Gjykatës miratimin dhe vlerësimin si të ligjshëm të ndalimit të bërë më dt.14.04.2015 nga OPGJ.
Gjyklata ka vendosur masën e arrestit me burg me qëllim ekstradimin, specifikohet më tej në vendim.
Krimi në Torino
Shtetasi Armando Gorezi, më dt.06.08.2011 ka te dhene se ka vrarë një person në zonën publike, në Torino, Itali, duke e qëlluar me armë.
Konkretisht, në Rr.”Valentino Carrera” komuna Torino janë dëgjuar të shtëna me armë zjarri. Më pas banorë të zonës kanë konstatuar një trup të pajetë në bordin e një autoveture “Ford Ka”, me targa BG732JV.
Pas mbërritjes së forcave të policisë viktima është identifikuar si Indrit Kuçi. Në vend-ngjarje kanë arritur më pas edhe shtetasit A.Kuçi (nipi i viktimës) dhe B. K., që nga hetimet mësohet se prostituonte në rrugë. Nga të dhënat hetimore (deklarime të personave që kanë dijeni, përgjime telefonike, etj…) është mësuar se, vrasësi është larguar nga vendi i krimit në bordin e një automjeti “Poche Cayenne”, me targë CK928HM. /Boldnews.al/
Lexo edhe: Kush janë vëllezërit që iu sekuestruan 2.2 mln euro pasuri
