Presidenti algjerian Abdelaziz Bouteflika ka konfirmuar se do të kandidojë për një mandat të pestë, pavarësisht protestave që po zhvillohen në vend kundër tij, shkruan “NPR”.
Për shumë algjerianë është e vështirë të kuptohet se si presidenti 82-vjeçar, i cili pësoi një goditje para gjashtë vjetësh dhe nuk mund të ecë ose të flasë, mund ta udhëheqë vendin.
Madje kur u njoftua se Abdelaziz Bouteflika po kandidonte për një mandat të pestë në prill – sipas “BBC”-së, ai nuk u paraqit personalisht për të regjistruar kandidaturën e tij.
Një valë zemërimi i ka përfshirë studentët, mësuesit, avokatët dhe madje edhe gazetarët të cilët kanë dalë në rrugë për të protestuar.
Ata duket se janë të vendosur të mos pranojnë status quo-in e vazhdueshme të sundimit nga një udhëheqës pothuajse i padukshëm.
Bouteflika ka qenë president i Algjerisë që nga viti 1999. Presidenti 82-vjeçar pësoi një goditje në 2013 dhe është parë rrallë që nga atëherë.
Dalja e tij e fundit publike, ka qenë në vitin 2014 – kur mbajti një fjalim për të falënderuar algjerianët për besimin e tyre pasi ai fitoi zgjedhjet presidenciale.
E pavarësisht të gjithave, duke shtuar faktin se nuk bën aasnjë fushatë personale, presidenti algjerian nuk ka ndonjë sfidues të fortë.
