Kryeministri i Shqipërisë Edi Rama, duket i vendosur që gënjeshtrat për një Shqipëri që lulëzon dhe për uljen e nivelit të papunësisë, ti thotë pa ju dridhur qerpiku edhe në mediat ndërkombëtare.
Pasi foli një natë më parë në Rai Uno për gjendjen në të cilën ndodhet vendi, Rama ka vijuar të gënjejë sërish edhe në një intervistë për Canale 5.
Ai tha se sot në Shqipëri është niveli më i ulët i papunësisë në 27 vite, por harroi të thotë se shkak për uljen e papunësisë nuk është bërë hapja e vendeve të reja të punës, por largimi i qindra mijëra shqiptarëve në 5 vitet e fundit, për shkak se nuk shohin asnjë mundësi jetese në vendin e tyre.
‘Kohët kanë ndryshuar. Ne jemi në periudhë rritjeje. Kemi nivelin më të ulët të papunësisë në 17 vite. Po përpiqemi të rritemi përmes turizmit. Prandaj jam në Itali për të thënë se protesta në Shqipëri kap rrezen e 1 kilometri, në pjesën tjetër jeta vazhdon normalisht. Shqipëria ka shumë probleme, por mund të themi se ka ndryshuar shumë dhe jemi në rrugën e duhur. Ne nuk mund të ndalojmë lojën, të ndryshojmë formacionin që të lëmë kundërshtarin të fitojë ndeshjen’, deklaroi Rama në Canale 5.
