Kryeministri Edi Rama udhëtoi drejt Italisë, për të folur në mediat italiane lirshëm dhe për të gënjyer pa e shqetësuar askush, por mesa duket as këtë herë nuk i eci.
Sapo moderatori i famshëm italian ka postuar në rrjet lajmin se i ftuar mbrëmjen e sotme në Rai Uno në emisionin ‘Porta a Porta’ do të jetë kryeministri i Shqipërisë Edi Rama, kanë qenë të shumtë mesazhet që kritikonin Ramën.
Shumë emigrantë shqiptarë kanë drejtuar pyetje pafund në drejtim të Ramës, duke kërkuar të dinë se përse vijon të gënjejë për realitetin e hidhur ku jetojnë shqiptarët.
“Bruno Vespa, mos e ndot “Porta a Porta” me Edi Ramën, se është gënjeshtar. Ku është rritur ekonomia shqiptare, kanë ardhur mijëra shqiptarë në Itali për të punuar, sapo ai u bë kryeministër. U bë vendi i parë në tregtinë e drogës. Lëre atë, një komunist i madh si babai i tij”, ishte një nga komentet e bëra në faqen e emisionit ‘Porta a Porta’.
“Bën mirë Bruno Vespa se e ka furnizuar Italinë me Kanabis dhe krim”, i thotë një tjetër shqiptar.
“Mirëmbrëma zoti Vespa, a mund ta pyesësh Kryeministrin Rama, si mundet që vendi më i varfër në Europë, me adminsitratën më luksoze në botë”, i kërkon një tjetër.
Nuk dihet nëse këto komente negative, që dominuar statusin e tij në FB, Bruno Vespa ia përcolli si pyetje Kryeministrit gjatë intervistës së regjistruar. Për këtë do të presim transmetimin e Porta e Porta në Rai Uno. Emsiioni do të transmetohet mbrëmjen e sotme në orën 23:05.
