Ndërrimi i orës duket se po hap debate të shumta në vendet europiane. Bashkimi Europian ka ndërmarrë disa hapa për të shfuqizuar llogaritjen e kohës gjatë verës dhe dimrit apo siç njihet ndryshe ndërrimi i orës.
”Associated press”, njofton se “Komiteti i Parlamentit Evropian votoi të hënën me 23 vota pro dhe 11 kundër, për ndalimin e ndryshimit të orës që kishte ndodhur për dekada në baza vjetore, në pranverë dhe në vjeshtë”.
Pas votimit të Komititetit të Parlamentitit Europian do të jenë deputetët ata që do të vedosin se cila do të jetë ora verore apo dimërore që do të vendoset në të ardhmen.
Shumë shtete anëtare te BE filluan ndryshimin e orës gjatë krizës së naftës në vitet 1970 si një përpjekje për të kursyer energji.
Që nga viti 1996, të gjitha vendet e BE-së ndryshojnë orën në të njëjtën kohë. Propozimi tani shkon përpara Parlamentit Evropian dhe parlamenteve të shteteve anëtare të Bashkimit Evropian.
