“Keq më vjen, por ky perceptim i mediave të huaja të sinkronizuara sikur në Shqipëri është Mesjetë. U bënë 20 vjet që e teprojnë. Është përgjegjësi e politikës shqiptare. Dhe flas të të gjitha krahëve politike që këto gjëra të mos përsëriten. Sepse imazhi që i bëhet Shqipërisë është shumë shumë i rëndë. Dhe do më duhen 200 mijë shfaqje mua që të rekuperoj një gomë të djegur që ndodhte në Lushnje para 10 viteve dhe ndodh sot në Tiranë”. Deklaratave të bëra dy ditë më parë, tenori i njohur shqiptar Saimir Pirgu thotë se i qëndron ende.
Në një lidhje me video me emision “A Show”, Pirgu tha se s’është penduar për deklaratat, por shtoi se ajo është keqkuptuar nga metafora që përdori.
“S’jam penduar, jam surprizat se si është përcjellë te publiku me titullin absurd, por e vërteta është absurde. Jam shpejtuar dhe kam përdorur metaforën e 200 mijë koncerteve por thelbi është shumë i qartë”.
Jeni kundër protestës në parim?
“S’jam kundër protestave. Përkundrazi, kam vite që shqiptarët pres të protestojnë në të vërtetë kur i preket e drejta. Shumë gjëra nga Shqipëria më duken absurde në 2019-ë, e kam me ata që përdorin njerëzit. Kjo më irriton”, tha ai.
/Boldnews.al/
