“Ministrit të Jashtëm më duhet ti mësoj historinë e Çamërisë”. Kështu u shpreh kreu i PDIU-së Shpëtim Idrizi, në emisionin “5 Pyetjet” në “Report Tv”.
“Po mirë mo zotëri, para një javë dëgjuam Presidentin e Greqisë në Konicë duke festuar 106 vjetorin , pra vitin 1913, copëtimin e trojeve shqiptare, nga një tokë shqiptare siç është Konica, i cili në mënyrë arrogante i drejtohej Shqipërisë, duke i thënë se po e përmendët çështjen çame procesin e integrimit, etj, etje. Po si nuk doli një nga qeveria shqiptare, kryeministri, ministri i Jashtëm? Unë e di se ministrit të Jashtëm më duhet prapë ti mësoj historinë e Çamërisë siç ja mësova edhe Ramës, po mesa duhet i ka hy në një vesh e i ka dalë në tjetrin. Asnjë reagim kur në mënyrë të përsëritur, Presidenti i Greqisë kur duhet të ishte një burrë i urtë dhe për thinjat që ka dhe paraqitet si i qarqeve ultranacionaliste greke. Para 6 muajve të njëjtën gjë, shkoi në Paramithi, aty ku kanë nis masakrat ndaj shqiptarëve të Çamërisë dhe bëri të njëjtën gjë dhe këtu nuk i përgjigjet asnji nga autoritet shqiptare. Për të kuptuar edhe njëherë tjerët, Çamëria plotëson identitetin e kombit shqiptar”, tha Idrizi. /Boldnews.al/
