Kryetari i opozitës Lulzim Basha është shprehur i sigurt se vendi do të shkojë në zgjedhje të parakohshme.
I ftuar në ‘Ora news’, Basha tha se një gjë është e sigurt se Shqipëria do të shkojë në zgjedhje të parakohshme dhe shqiptarët do t’i japin fund qeverisë kriminale.
‘Ajo që mund të themi me siguri është që do të kemi zgjedhje të parakohshme. Ne nuk duam largimin e Ramës por duam që në Shqipëri të marrë fund pushteti kriminal. Ne kemi një alternativë dhe një vizion i cili do të bëjë të mundur që parlamenti të jetë vullnet i qeveritarëve’, u shpreh Basha.
