Ish-sulmuesi i Skënderbeut, Ali Soue, është duke shkëlqyer në kampionatin bullgar me fanellën e CSKA Sofje. 24-vjeçari ka shënuar tripletë në sfidën e kampionatit ndaj Septemvri Sofje që u fitua nga vendasit me rezultatin 5-1.
Me paraqitjet e tij, Soue po shndërrohet në një nga protagonistët kryesor të skuadrës bullgare, teksa ka shënuar 7 gola në 16 ndeshje.
Golin e parë në sfidën e djeshme, ganezi e shënoi me 11-metërsh të fituar pas vetëm 10 sekondash lojë. Më pas ishte Zhorzhinjo që dyfishoi rezultatin në minutën e 18-të.
Ndërkohë në të 24-tën, ishte përsëri radha e Soue, i cili ngriti rezultatin në 3-0. Golin e tretë personal 24-vjeçari e shënoi në minutën e 74-t. Katër minuta më vonë, Soue u ndërrua nga trajneri, pasi e kishte bërë më së miri detyrën e tij.