Tenori me famë botërore, Saimir Pirgu, deklaroi dje se imazhi që i bëhet Shqipërisë është shumë shumë i rëndë dhe do i duhen 200 shfaqje që të rekuperoj një gomë të djegur që ndodhte në Lushnje para 10 viteve dhe ndodh sot në Tiranë.
Deklarata e Pirgut, një prej pjesëmarrësve në Samitin e Diasporës, ka sjellë reagimin e parë dhe ai vjen nga një artist.
Neritan Liçaj përmes një komenti i drejtohet Pirgut që të mos bëhet merak për imazhin e Shqipërisë së gomës së djegur, por Shqipërinë e kanë katandisur në një gomë të djegur.
“Kush ka më shumë rëndësi realiteti apo dukja, e vërteta apo imazhi”, e pyet Liçaj, Pirgun.
Komenti i Neritan Liçaj
Saimir Pirgu! Mos u merakos për imazhin e Shqipërisë së gomës së djegur! Shqipërinë e katandisën në gomë të djegur…
Këtë po ta thotë një artist që nuk ka famën tënde (krenar që ti e ke, vërtet), por një artist që pavarësisht se nuk e ka atë çka ti ke, lufton për atë cka ti nuk ke kurajo ta shohësh, realitetin. Prandaj të pyes kush ka më rëndësi, realiteti apo dukja?!E vërteta, apo imazhi?!
Ka dy lloj artistësh në këndvështrimin tim modest,artist!
Të parët ata që e shohin artin si nevojë të Brendshme, të sinqertë, të vërtetë për të shprehur ndjesitë, emocionet, mendimet etj, dhe të dytët që e shohin si pasqyrë ku duhet të shohin refleksin e tyre ”të pacënueshëm’në art! E thënë thjesht narcizët.
Mos u bej i dytë. Rrespekte.
Bashkëkombasit e tu ndër ta dhe unë vuajnë vërtet, ndërsa ti merakosesh si do dukesh ti në sytë e kolegëve të tu?! Si do të duket Shqipëria ”jote”,që djeg goma?!
Ta them unë! Do duket Shqipëria që djeg goma! Kaq e thjeshtë është!
Jeta e një kombi është jeta e tij jo dukja dhe imazhi! Imazhi është iluzion në fund të fundit!
