Ministri i Drejtësisë, Ylli Manjani ka reaguar pas pezullimit të Drejtorit të Përgjithshëm të Policisë së Shtetit. Manjani thotë se këto janë çështje të zbatimit të ligjit dhe nuk mund të komentohen pasi ligjërimi politi nuk e ndihmon çështjen.
“Në përgjigje të interesit të medias lidhur me qëndrimin e Ministrit të Drejtësisë, z. Ylli Manjani mbi vendimet e Gjykatës së Tiranës, përfshirë edhe atë për pezullimin nga detyra të Drejtorit të Përgjithshëm të Policisë, z. Haki Çako, Ministri Manjani bën me dije se këto janë çështje të zbatimit të ligjit dhe nuk mund të komentohen nga ana e tij, sikurse edhe ligjërimi politik nuk do të ndihmonte aspak për ecurinë e çështjes”, thuhet në deklaratën e Ministrisë së Drejtësisë.
