Një vajzë 11- vjeçare po përballet me akuzën për abuzim ndaj fëmijëve pasi sulmoi një djalë 1-vjeçar që kishte nën kujdes.
Ajo e dhunoi duke e lënë foshnjen me plagë të rënda. Vogëlushi vdiq disa ditë më pas. Autoritetet kanë bërë të mundur arrestimin e vajzës pasi Paxton Davis vdiq të enjten.
Sipas hetimeve paraprake Paxton ishte lënë nën kujdesin e anëtarëve të familjes së 11-vjeçares në shtëpinë e tyre në Suitland, thanë autoritetet.
E ëma e vajzës ia la foshnjen 11-vjeçares për t’u larguar për pak kohë nga shtëpia mëngjesin e së dielës.
Në Maryland duhet të jesh të paktën 13 vjeç për tu kujdesur për një fëmijë tjetër. Paxton vdiq të enjten, katër ditë pasi u shtrua në spital me lëndime të rënda në pjesën e sipërme të trupit.
Sapo mjekët vunë re lëndimet në trupin e djalit dhe thirrën policinë për shkak të dëmtimeve të rënda. Në një konferencë policia tha: “Foshnja ishte vetëm nën kujdestarinë e 11-vjeçares.”
Policia nuk pranoi të jepte detaje shtesë mbi shkallën apo llojin e lëndimeve që mori foshnja si edhe nuk informoi nëse nëna e vajzës do përballet me akuza.
Dhe motivi i aktit të rëndë të vajzës ndaj foshnjes nuk dihet ende.
“Nuk e di se çfarë motivi mund të ketë një 11-vjeçare për të dhunuar me dashje një 1 vjeçar. Nuk kemi fjalë. Nuk ka asnjë arsye për këtë.”-shtoi policia.
