Kreu i Partisë për Drejtësi Integrim dhe Unitet, Shpëtim Idrizi, në një konferencë për kujtesën për Masakrën e Filatit, shtroi pytjen se pse mos kërkojmë ne një konsullatë siç Greqia ka tre konsullata këtu në vendin tonë.
Në deklaratën e tij Idrizi theksoi se çështja e shqiptarëve të Çamërisë nuk mund ta përdoret as si varrez dhe as si monedhë këmbimi.
“I kujtoj presidentit grek, vendi që ai bënte kërcënimet ishin tokë shqiptare nga Konica. Ndërkohë është e pafalshme dhe e papranueshme se si ai po festonte pikërisht vitin 1913 ku padrejtësitë e mëdha historike coptuan trungun shqiptarë. Për të shekulli i shkuar ndoshta ishte momenti që mund ta bëjë të ndjehet mirë, por ky është shekulli i shqiptarëve që e kanë marrë fatin e tyre në dorë. Presidenti i Greqisë tenton të kërcënojë shqipërinë, nuk e ka bërë për herë të parë e ka bërë në menyrë të përsëritur. Unë jam i bindur dhe besoj se çdo anëtar i shqiptarëve të Çamërisë është i bindur që çështja e shqiptarëve të Çamërisë nuk është thjesht e jona, ashtu si Shqipëria është thjesht e jona. Çështja e shqiptarëve të Çamërisë është çështje e çdo shqiptari në Kosovë, në Diasporë, në Malin e Zi e kudo. I përmenda këtu të gjitha trevat sepse si është e mundur që kryeministri nuk e përmendi pikërisht trevën e Çamërisë. Para disa ditësh ne pam se si BBC treguan diçka që ne e dinim minoritetin sllavo-Maqedonas në Greqi që është 100 mijë. Si nuk u kujtuan këta për shqiptarët e çamërisë që jetojnë atje. I shohin kur shkojnë për pushime në Parg, janë shqiptarë flasin shqip. Pse mos kërkojmë ne për ta ashtu siç Greqia ka tre konsullata këtu në vendin tonë. Ne kërkojmë një konsullat. Pse mos kërkojmë ne për ta atë që Mbreti Zog e mori në vitin 1927, minoritet etnik shqiptarë në trojet e tyre. Unë jam i bindur që jo vetëm ne por asnjë shqiptarë as kurkush nuk mund ta përdorë çështjen e shqiptarëve të çamëris as për varrezë as për monedh këmbimi.”, deklaroi kreu i PDIU Shpëtim Idrizi.
