Ish-kryeministri Sali Berisha, i ftuar në ‘360 gradë’, deklaroi se askush nuk ka përjashtuar njeri nga PD, por njerëz si Murrizi dhe të tjerë që mund të jenë pjesë e parlamentit janë të vetëpërjashtuar.
I pyetur nga gazetarët e pranishëm në panel, se a e dëmton opozitën, deputetët e opozitës që do të mbajnë mandatet dhe do të shkojnë në parlament, Berisha tha se opozita false do të rrisë zemërimin në popull dhe e ndihmon revoltën.
‘Nuk e përjashton njeri, përjashtojnë veten. Zoti Murrizi ka votuar ka qenë në grup parlamentar, por doli veças. Ajo vetëm sa na ndihmon më shumë, nuk na prish punë opozita false. Me falsitet vetëm sa rrit zemërimin në popull’, tha Berisha.
