Tre persona janë ndaluar nga policia e Vlorës, të dyshuar se i kanë shitur 17-vjeçarit që vrau gjyshin, armën e zjarrit me të cilën qëlloi dje 69-vjeçarin Vangjel Kapllani, duke i shkaktuar vdekjen.
Arma, sipas burime zyrtare të Policisë së Vlorës, ishte hedhur në një pusetë nga adoleshenti pas krimit.
“Lidhur me ngjarjen e mbrëmshme ku i moshuari 69-vjeçar u dërgua në Spitalin e Vlorës në gjendje të rëndë shëndetësore, me pretendimin se u gjet i gjakosur nga nipi i tij, bëjmë me dije se: Policia e Vlorës pas hetimeve intensive, ka bërë zbardhjen e gjithë mekanizmit të ngjarjes. Rezulton se autori i dyshuar i krimit të jetë nipi i të moshuarit, V.K., 17 vjeç, i cili do të përballet penalisht për veprën penale ‘Vrasje për shkak të marrëdhënieve familjare’. Pas ekspertizës së kryer në pjesën e pasme të kokës së viktimës është konstatuar një predhë armë zjarri, e cila si pasojë ka sjellë vdekjen e të moshuarit. Gjithashtu, shërbimet policore kanë sekuestruar edhe armën e krimit, tip pistoletë, të cilën autori e kishte hedhur në një pusetë afër banesës me qëllim për të fshehur gjurmët. Në vijim të veprimeve hetimore, policia ka arrestuar në flagrancë 3 persona, të cilët dyshohen se i kanë shitur armën e krimit autorit të ngjarjes, shtetasit L.M, 17 vjeç, F.Xh, 16 vjeç dhe M.A, 28 vjeç, të cilët u arrestuan nga Policia për veprën penale Mbajtja pa leje dhe prodhimi i armëve, armëve shpërthyese dhe municioneve”, njoftoi Policia.
*FOTO/ Plumb në kokë gjyshit, dëshmia e nipit: Më nxinte jetën, e vrava se…
